Galatians 1

1Mɔ pɔl tirə ʋta ci yəra wampa ya yər ama Yesu kristʋ nə Aci Ashia, woñι kʋsι asəra ta na. 2Nən ma ralə na mpa wι cɔci t-ɔ kalatə kɔrʋ ta na;

3Aci Ashia nən ñuŋ yaɖə, nən yesu kristʋ kʋñʋŋ nartə cɔ na mι. 4Ne fιnι ι pιsə nə ι ləsə ra ra awarkasə nsə ra wι sə t-ɔ kɔhəŋ na. 5Woñι ʋ mɔ na s’awɔrι matiɔŋ matiɔŋ na. Ʋ la səmpə.

6Ʋ lam rəyaʋ ka mι rə sə ι hom kιlʋ ka wʋltə nəntrə rə nə ι kιlə surə ka woñι ya mι nən kristʋ kʋñəmən nartə rə na. 7Ʋ ta ki sə Ashia tɨam sartə nəmpre wι rərə, ama yəra nəmparə cina sə wa pɨtɨ mι, nən wa kpa kristʋ tɨam sartə yəmpə wa kιlpə,

8Ama pa ra ya ashia tɨrə nιr ra lin ril sə hosə mι Ashia tɨam nəmprə ka pə wι na pə tι.Nən wompa ma hosə mι na, ahιsə wunɖə kɔn wa rə. 9Sə ra ten tə kalʋ ka kɔhɔŋ.”nən yər hosə mι tɨam nəmprɔ pə wιn pə tι nən sartə tɨam pə ι ten pə rɔ tɨsʋ,ahιswunɖɨ kɔn yər ñι rə. 10N kɔhɔŋ ma ci sə yəra wɔrn-m yaa Ashia?nə ma ci sə yəra wɔrn-m, həmpə ma kin kristʋ təmər larə.

11Ma ci sə ιι sən,ma ralə na sə Ashia tɨam pə ma hosə mι pə na, pə ta lin yəra cal. 12Ma ta mʋpə, ma ta kpənkəl pə yər cal,ama yesu kristʋ ləsə na pə nə ι wʋləm.

13Antɔŋ ma tənkʋ suɨfə yəmpa kɔtər ka wontə na, manasʋ wa,kristʋ akpar ka paa.nə ma ciwa sə ma yəkʋ rə. 14Maa tɨal yəsa t-ɔ suɨfə yəmpa kɔtər ta n’ʋ kələn ma rana, maa wι mɨn ka ma cina kɔta lapə ta.

15Ama Ashia ka shol-m n’ι ləsəm ma ri litə ta nι yam nə ya ñuŋ sartə ta. 16N’ι ləsə ι wo n’ι wələm sə fι nə ma hosə laara nə matawal sə ma wasə yər. 17ma ta wal serusalɛm ka wompa ki yesu tɨrəra ka apasənʋ na, ama, ma tənka nə ma wal na arapia nə ma pəsə ma wal tamas kɔrʋ ta.

18Ʋ la wʋsə naʋtɨsə ka wontə na ma pəsə ma wal serusalɛm sə ma na sefasnə ma cɔ ι cal ka ayʋkʋn hɨu nən nianə. 19Ama mata na kristʋ tɨrər nιr nι tasə ra ci ritafal sak rə. 20N’ashia rə wontə ma maa mι tə na, tə ta kitəntarιr kəna malakə.

21Ma kʋrən rə na ma wal siri nən sirisi kɔrən ta. 22N nɔɔn kristʋ akpaya ya wι sute kɔrʋ ta na,ya ka ta na ma yəsa ta, 23ama ι nιa kəna yəra wʋtʋ sə, atʋŋ woñι ka nasʋ ra na, n ñɔlι ι pəsa n’ι hosʋ Ashia tɨam sartə yəntə, n’ι kalʋ sə atɨsə tiampə ι kalʋ pə yənte na pə rə. N wa wι wa wɔrʋ Ashia ka ma rə.

24